Превью. «Пахтакор» - «Навбаҳор»

Суперлига 1-тури доирасида "Навбаҳор" Тошкентда “Пахтакор” меҳмони бўлади.


Суперлига (олий лига)нинг мунтазам иштирокчиси бўлган мазкур клубларнинг ўзаро учрашувлари тарихига назар ташлайдиган бўлсак, жамоалар ҳозиргача 58 марта ўзаро рўбарў келишган. Ўзаро ўйинлар бўйича устунлик пойтахтликлар тарафида. Ўтказилган баҳсларнинг 36тасида “шерлар” зафар қучишган бўлса, 13та ўйинда “лочинлар” ғалаба қозонишган, 9 та учрашувда эса дуранг қайд этилган. “Пахтакор” “Навбаҳор” дарвозасига 98 та тўп киритиб, ўз дарвозасидан 45 та тўп ўтказиб юборган.  

Ушбу жамоаларнинг ўзаро ўйинлари тарихида қайд этилган энг йирик ҳисоб - 7:0. Ушбу ҳисоб 2009 йили Тошкентда бўлиб ўтган учрашувда қайд этилиб, унда “Пахтакор” зафар қучганди.

Айни пайтгача Тошкентда бўлиб ўтган учрашувларнинг 24тасида “шерлар” ғалаба қозонишган бўлса, 1та ўйинда “лочинлар” зафар қучишган, 4та баҳсда эса дуранг натижа қайд этилган.


Ўз ўpнида шуни таъкидлаш жоизки, “Навбаҳор” Андрей Канчельскис мураббийлигида Тошкентда “Пахтакор”га ютқазмаган.

Пойтахтимизда 2018 йили ўтказилган ўйинда 0:0, 2019 йили бўлиб ўтган баҳсда эса 2:2 ҳисобидаги дуранг қайд этилган.

Бу сафар янги мавсумнинг очилиш учрашувида мазкур жамоалар ўзаро тўқнаш келишмоқда.

Эслатиб ўтамиз, “Пахтакор” – “Навбаҳор” ўйини 27 февраль, пайшанба куни “Пахтакор” стадионида соат 16:00да старт олади.

“Навбаҳор” ПФК матбуот хизмати.
Манба: pfcnavbahor.uz

26.02.2020, 15:30 70 0

Фикрингизни билдиришингиз учун сайтдан рўйхатдан ўтган ёки профилга кирган бўлишингиз керак
×Ёпиш