Ёрқин Назаров "Бунёдкор-2" бош мураббийига айланди

Ёрқин Назаров мустақил равишда ишга киришди.
 
Хабарингиз бор, Тошкентнинг «Бунёдкор» клуби ҳозирда Абу-Дабида ўқув-машғулот йиғинини ўтказмоқда. Лекин Вадим Абрамов бошчилигидаги мураббийлар штаби тўлиқ кўринишда эмас. Яъни, ўтган йилги мавсумда Вадим Карленовичга яқиндан ёрдам берган Ёрқин Назаровнинг фаолиятида ўзгариш юз берди.
Эндиликда у «Бунёдкор-2» жамоасига бош мураббийлик қилади. Ўтган йили про-лиганинг шарқ минтақасида иштирок этган ёш «бунёдкор»чилар 3-ўринни банд этишганди. Энди эса янги мавсумда Ёрқин Назаров «Бунёдкор-2»га устозлик қиладиган бўлди. Ушбу хабарни мураббийнинг ўзи ҳам тасдиқлаб ўтди. Айтиш керакки, Назаров бунга қадар ўз вақтида про-лигада Ғузорнинг «Шўртан» жамоасига ҳам устозлик қилган. У фаолиятида иккинчи бор мустақил равишда ишлайдиган бўлди.
Футбол янгиликларини сайтимизнинг ижтимоий тармоқдаги саҳифаларида ҳам кузатиб боринг!
Манба: penalti.uz

14.01.2020, 21:02 133 0

Фикрингизни билдиришингиз учун сайтдан рўйхатдан ўтган ёки профилга кирган бўлишингиз керак
×Ёпиш