ФИФА Блаттер ва Платинидан пул ундириб олмоқчи

ФИФА судга мурожаат қилиб, ташкилотнинг собиқ раҳбари Йозеф Блаттер ва УЕФА собиқ президенти Мишель Платинидан 1,5 млн фунт ундириб олишни режалаштирмоқда.
 
2011 йил 18 январь куни Блаттер 2 млн Швейцария франкини (1,54 млн фунт) Платини ҳисобига ўтказиш ҳақида топшириқ берган. ФИФА 2 ҳафтадан сўнг пулларни ўтказиб берган. Аниқланишича, бу тўловни амалга ошириш учун ҳеч қандай асос бўлмаган. Демак, у «совға» сифатида баҳоланиши лозим.
Энди ФИФА бошқарув қўмитаси бу пулларни қайтармоқчи. Шунингдек, фоизлар, қўшимча жарималар ва харажатлар учун ҳам маблағ ундириб олмоқчи, деб хабар беради BBC.
Блаттер ва Платини ўз айбини тан олмаётгани сабабли, можаро суд орқали ҳал қилинади.
Футбол янгиликларини сайтимизнинг ижтимоий тармоқдаги саҳифаларида ҳам кузатиб боринг!
Манба: penalti.uz

13.12.2019, 19:22 148 0

Фикрингизни билдиришингиз учун сайтдан рўйхатдан ўтган ёки профилга кирган бўлишингиз керак
×Ёпиш